ORDO MISSÆ

iuxta editionem typicam tertiam, 2002

ⓒ
Administrationem Patrimonii Sedis Apostolicæ
in Civitate Vaticana
2002

Ritus initiales

1.
Populo congregato, sacerdos cum ministris
ad altare accedit, dum cantus ad introitus peragitur.

Cum ad altare pervenerit,
facta cum ministris profunda inclinatione, osculo altare veneratur et,
pro opportunitate, crucem et altare incensat.
Postea cum ministris sedem petit.

Cantu ad introitum absoluto,
sacerdos et fideles, stantes, signant se signo crucis,
dum sacerdos, ad populum conversus, dicit:

In nomine Patris, et Filii, et Spiritus Sancti.

Populus respondet:

Amen.

2.
Deinde sacerdos, manus extendens,
populum salutat, dicens:

Gratia Domini nostri Iesu Christi,
et caritas Dei, et communicatio Sancti Spiritus
sit cum omnibus vobis.

Vel:

Gratia vobis et pax
a Deo Patre nostro et Domino Iesu Christo.

Vel:

Dominus vobiscum.

Populus respondet:

Et cum spiritu tuo.

Episcopus, loco
Dominus vobiscum,
in hac prima salutatione dicit.

Pax vobis.

3.
Sacerdos, vel diaconus vel alius minister,
potest brevissimis verbis introducere fideles in Missam diei.

Actus pænitentialis
*

*
Die dominica, præsertim tempore paschali,
loco consueti actus pænitentialis,
quandoque fieri potest benedictio et aspersio aquæ
in memoriam baptismi, ut in Appendice II.

4.
Deinde sequitur actus pænitentialis
ad quem sacerdos fideles invitat, dicens:

Fratres, agnoscamus peccata nostra,

ut apti simus ad sacra mysteria celebranda.

Fit brevis pausa silentii.
Postea omnes simul formulam confessionis generalis perficiunt:

Confiteor Deo omnipotenti et vobis, fratres,

quia peccavi nimis

cogitatione, verbo, opere et omissione:

et, percutientes sibi pectus, dicunt:

mea culpa, mea culpa, mea maxima culpa.

Deinde prosequuntur:

Ideo precor beatam Mariam semper Virginem,

omnes Angelos et Sanctos,

et vos, fratres, orare pro me

ad Dominum Deum nostrum.

Sequitur absolutio sacerdotis:

Misereatur nostri omnipotens Deus

et, dimissis peccatis nostris,

perducat nos ad vitam æternam.

Populus respondet:

Amen.

Vel:

5.
Sacerdos fideles invitat
ad actum pænitentialem:

Fratres, agnoscamus peccata nostra,

ut apti simus ad sacra mysteria celebranda.

Fit brevis pausa silentii.

Postea sacerdos dicit:

Miserere nostri, Domine.

Populus respondet:

Quia peccavimus tibi.

Sacerdos:

Ostende nobis, Domine, misericordiam tuam.

Populus:

Et salutare tuum da nobis.

Sequitur absolutio sacerdotis:

Misereatur nostri omnipotens Deus

et, dimissis peccatis nostris,

perducat nos ad vitam æternam.

Populus respondet:

Amen.

Vel:

6.
Sacerdos fideles invitat
ad actum pænitentialem:

Fratres, agnoscamus peccata nostra,

ut apti simus ad sacra mysteria celebranda.

Fit brevis pausa silentii.

Postea sacerdos, vel diaconus, vel alius minister,
sequentes, vel alias, invocationes
cum Kyrie, eleison profert:

Qui missus es sanare contritos corde:
Kyrie, eleison.

Populus respondet:

Kyrie, eleison.

Sacerdos:

Qui peccatores vocare venisti:
Christe, eleison.

Populus:

Christe, eleison.

Sacerdos:

Qui ad dexteram Patris sedes,
ad interpellandum pro nobis: Kyrie, eleison.

Populus:

Kyrie, eleison.

Sequitur absolutio sacerdotis:

Misereatur nostri omnipotens Deus

et, dimissis peccatis nostris,

perducat nos ad vitam æternam.

Populus respondet:

Amen.

7.
Sequuntur invocationes
Kyrie, eleison, nisi iam præcesserint
in aliqua formula actus pænitentialis.

V. Kyrie, eleison.
R. Kyrie, eleison.

V. Christe, eleison.
R. Christe, eleison.

V. Kyrie, eleison.
R. Kyrie, eleison.

8.
Deinde, quando præscribitur,
cantatur vel dicitur hymnus:

Gloria in excelsis Deo

et in terra pax hominibus bonæ voluntatis.

Laudamus te,

benedicimus te,

adoramus te,

glorificamus te,

gratias agimus tibi propter magnam gloriam tuam,

Domine Deus, Rex cælestis,

Deus Pater omnipotens.

Domine Fili unigenite, Iesu Christe,

Domine Deus, Agnus Dei, Filius Patris,

qui tollis peccata mundi, miserere nobis;

qui tollis peccata mundi, suscipe deprecationem nostram.

Qui sedes ad dexteram Patris, miserere nobis.

Quoniam tu solus Sanctus, tu solus Dominus, tu solus Altissimus,

Iesu Christe, cum Sancto Spiritu: in gloria Dei Patris.

Amen.

9.
Quo hymno expleto, sacerdos, manibus iunctis,
dicit:

Oremus.

Et omnes una cum sacerdote per aliquod temporis spatium
in silentio orant.

Tunc sacerdos, manibus extensis, dicit collectam;
qua expleta, populus acclamat:

Amen.

Liturgia verbi

10.
Deinde lector ad ambonem pergit,
et legit primam lectionem, quam omnes sedentes auscultant.

Ad finem lectionis significandam,
lector acclamat:

Verbum Domini.

Omnes respondent:

Deo gratias.

11.
Psalmista, seu cantor,
psalmum cantat vel dicit, populo responsum proferente.

12.
Postea, si habenda sit secunda lectio,
lector eam ex ambone legit, ut supra.

Ad finem lectionis significandam,
lector acclamat:

Verbum Domini.

Omnes respondent:

Deo gratias.

13.
Sequitur Alleluia,
vel alter cantus a rubricis statutus,
prouti tempus liturgicum postulat.

14.
Interim sacerdos incensum, si adhibetur, imponit.
Postea diaconus, Evangelium prolaturus,
ante sacerdotem profunde inclinatus, benedictionem petit,
submissa voce dicens:

Iube, domne, benedicere.

Sacerdos submissa voce dicit:

Dominus sit in corde tuo et in labiis tuis,

ut digne et competenter annunties Evangelium suum:

in nomine Patris, et Filii, + et Spiritus Sancti.

Diaconus signat se signo crucis et respondet:

Amen.

Si vero non adest diaconus,
sacerdos ante altare inclinatus secreto dicit:

Munda cor meum ac labia mea, omnipotens Deus,

ut sanctum Evangelium tuum digne valeam nuntiare.

15.
Postea diaconus, vel sacerdos, ad ambonem pergit,
ministris pro opportunitate cum incenso et cereis eum comitantibus,
et dicit:

Dominus vobiscum.

Populus respondet:

Et cum Spiritu tuo.

Diaconus, vel sacerdos:

Lectio sancti Evangelii secundum
N.

et interim signat et seipsum
in fronte, ore et pectore.

Populus acclamat:

Gloria tibi, Domine.

Deinde diaconus, vel sacerdos, librum,
si incensum adhibetur, thurificat, et Evangelium proclamat.

16.
Expleto Evangelio, diaconus, vel sacerdos,
acclamat:

Verbum Domini.

Omnes respondent:

Laus tibi, Christe.

Deinde librum osculatur dicens secreto:

Per evangelica dicta deleantur nostra delicta.

17.
Deinde fit homilia,
quæ a sacerdote vel a diacono habenda est
omnibus diebus dominicis et festis de præcepto;
aliis diebus commendatur.

18.
Homilia expleta, cantatur vel dicitur,
quando præscribitur, symbolum seu professio fidei.

Credo in unum Deum,

Patrem omnipotentem,

factorem cæli et terræ,

visibilium omnium et invisibilium.

Et in unum Dominum Iesum Christum,

Filium Dei Unigenitum,

et ex Patre natum ante omnia s?cula.

Deum de Deo, lumen de lumine, Deum verum de Deo vero,

genitum, non factum, consubstantialem Patri:

per quem omnia facta sunt.

Qui propter nos homines et propter nostram salutem

descendit de cælis.

Ad verba quæ sequuntur, usque ad
factus est,
omnes se inclinant.

Et incarnatus est de Spiritu Sancto

ex Maria Virgine, et homo factus est.

Crucifixus etiam pro nobis sub Pontio Pilato;

passus et sepultus est,

et resurrexit tertia die, secundum Scripturas,

et ascendit in cælum, sedet ad dexteram Patris.

Et iterum venturus est cum gloria, iudicare vivos et mortuos,

cuius regni non erit finis.

Et in Spiritum Sanctum, Dominum et vivificantem:

qui ex Patre Filioque procedit.

Qui cum Patre et Filio simul adoratur et conglorificatur:

qui locutus est per prophetas.

Et unam, sanctam, catholicam et apostolicam Ecclesiam.

Confiteor unum baptisma in remissionem peccatorum.

Et exspecto resurrectionem mortuorum,

et vitam venturi s?culi. Amen.

19.
Loco symboli nicæno-constantinopolitani,
præsertim tempore Quadragesimæ et tempore paschali,
adhiberi potest symbolum baptismale Ecclesiæ Romanæ
sic dictum Apostolorum:

Credo in unum Deum,

Patrem omnipotentem, Creatorem cæli et terræ,

et in Iesum Christum, Filium eius unicum,

Dominum nostrum,

Ad verba quæ sequuntur, usque ad
Maria Virgine, omnes se inclinant.

qui conceptus est de Spiritu Sancto,

natus ex Maria Virgine,

passus sub Pontio Pilato,

crucifixus, mortuus, et sepultus,

descendit ad inferos,

tertia die resurrexit a mortuis,

ascendit ad cælos,

sedet ad dexteram Dei Patris omnipotentis,

inde venturus est iudicare vivos et mortuos.

Credo in Spiritum Sanctum,

sanctam Ecclesiam catholicam,

sanctorum communionem,

remissonem peccatorum,

carnis resurrectionem,

vitam æternam. Amen.

20.
Deinde fit oratio universalis,
seu oratio fidelium.

Liturgia eucharistica

21.
His absolutis, incipit cantus ad offertorium.
Interim ministri corporale, purificatorium, calicem, pallam et missale
super altare collocant.

22.
Expedit ut
fideles participationem suam oblatione manifestent,
afferendo sive panem et vinum ad Eucharistiæ celebrationem,
sive alia dona,
quibus necessitatibus Ecclesiæ et pauperum subveniatur.

23.
Sacerdos, stans ad altare,
accipit patenam cum pane,
eamque ambabus manibus aliquantulum elevatam super altare tenet,
submissa voce dicens:

Benedictus es, Domine, Deus universi,

quia de tua largitate accepimus panem,

quem tibi offerimus,

fructum terræ et operis manuum hominum:

ex quo nobis fiet panis vitæ.

Deinde deponit patenam cum pane
super corporale.

Si vero cantus ad offertorium non peragitur,
sacerdoti licet hæc verba elata voce proferre;
in fine populus acclamare potest:

Benedictus Deus in s?cula.

24.
Diaconus, vel sacerdos,
infundit vinum et parum aquæ in calicem, dicens secreto:

Per huius aquæ et vini mysterium

eius efficiamur divinitatis consortes,

qui humanitatis nostræ fieri dignatus est particeps.

25.
Postea sacerdos accipit calicem,
eumque ambabus manibus aliquantulum elevatum super altare tenet,
submissa voce dicens:

Benedictus es, Domine, Deus universi,

quia de tua largitate accepimus vinum,

quod tibi offerimus,

fructum vitis et operis manuum hominum,

ex quo nobis fiet potus spiritalis.

Deinde calicem super corporale deponit.

Si vero cantus ad offertorium non peragitur,
sacerdoti licet hæc verba elata voce proferre;
in fine populus acclamare potest:

Benedictus Deus in s?cula.

26.
Postea sacerdos, profunde inclinatus,
dicit secreto:

In spiritu humilitatis et in animo contrito

suscipiamur a te, Domine;

et sic fiat sacrificium nostrum in conspectu tuo hodie.

ut placeat tibi, Domine Deus.

27.
Et, pro opportunitate,
incensat oblata, crucem et altare.
Postea vero diaconus vel alius minister incensat
sacerdotem et populum.

28.
Deinde sacerdos, stans ad latus altaris,
lavat manus, dicens secreto:

Lava me, Domine, ab iniquitate mea,

et a peccato meo munda me.

29.
Stans postea in medio altaris, versus ad populum,
extendens et iungens manus, dicit:

Orate, fratres:

ut meum ac vestrum sacrificium

acceptabile fiat apud Deum Patrem omnipotentem.

Populus surgit et respondet:

Suscipiat Dominus sacrificium de manibus tuis

ad laudem et gloriam nominis sui,

ad utilitatem quoque nostram

totiusque Ecclesiæ suæ sanctæ.

30.
Deinde sacerdos, manibus extensis,
dicit orationem super oblata.

Qua conclusa,
populus acclamat:

Amen.

Prex eucharistica

31.
Tunc sacerdos incipit Precem eucharisticam.

Manus extendens, dicit:

Dominus vobiscum.

Populus respondet

Et cum spiritu tuo.

Sacerdos, manus elevans, prosequitur:

Sursum corda.

Populus:

Habemus ad Dominum.

Sacerdos, manibus extensis, subdit:

Gratias agamus Domino Deo nostro.

Populus:

Dignum et iustum est.

Sacerdos proceditur præfationem,
manibus extensis.

In fine autem præfationis iungit manus et,
una cum populo, ipsam præfationem concludit,
cantans vel clara voce dicens:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

32.
In omnibus Missis licet sacerdoti celebranti
partes præsertim præcipuas Precis eucharisticæ cantare.

In Prece eucharistica prima, seu Canone romano,
ea quæ inter parentheses includuntur omitti possunt.

PRÆFATIO I DE ADVENTU

De duobus adventibus Christi

33.
Sequens præfatio dicitur:
in Missis de tempore a prima dominica Adventus usque ad diem 16 decembris;
in ceteris Messis, quæ celebrantur eodem tempore
et præfatione propria carent.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui, primo adventu in humilitate carnis assumptæ,

dispositionis antiquæ munus implevit,

nobisque salutis perpetuæ tramitem reseravit:

ut, cum secundo venerit in suæ gloria maiestatis,

manifesto demum munere capiamus,

quod vigilantes nunc audemus exspectare promissum.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
II DE ADVENTU

De duplici exspectatione Christi

34.
Sequens præfatio dicitur:
in Missis de tempore a die 17 ad diem 24 decembris;
in ceteris Missis, quæ celebrantur eodem tempore
et præfatione propria carent.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Quem prædixerunt cunctorum præconia prophetarum,

Virgo Mater ineffabili dilectione sustinuit,

Ioannes cecinit affuturum et adesse monstravit.

Qui suæ nativitatis mysterium tribuit nos prævenire gaudentes,

ut et in oratione pervigiles

et in suis inveniat laudibus exsultantes.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I
DE NATIVITATE DOMINI

De Christo luce

35.
Sequens præfatio dicitur in Missis de Nativitate Domini
et de eiusdem octava, infra octavam Nativitatis Domini,
etiam in Missis, quæ secus præfationem propriam haberent,
exceptis Missis quæ præfationem propriam de divinis mysteriis
vel Personis habent, et in feriis temporis Nativitatis.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia per incarnati Verbi mysterium

nova mentis nostræ oculis lux tuæ claritatis infulsit:

ut, dum visibiliter Deum cognoscimus,

per hunc in invisibilium amorem rapiamur.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

Quando adhibetur Canon Romanus,
dicitur Communicantes proprium, ut infra.

In Missa quæ celebratur in Vigilia
et in nocte Missa Nativitatis Domini dicitur:
et noctem sacratissimam celebrantes, qua, etc.;
deinde semper dicitur:
et diem sacratissimum celebrantes, quo, etc.,
usque ad octavam Nativitatis Domini inclusive.

PRÆFATIO II
DE NATIVITATE DOMINI

De restauratione universa in Incarnatione

36.
Sequens præfatio dicitur in Missis de Nativitate Domini
et de eiusdem octava, infra octavam Nativitatis Domini,
etiam in Missis, quæ secus præfationem propriam haberent,
exceptis Missis quæ præfationem propriam de divinis mysteriis
vel Personis habent, et in feriis temporis Nativitatis.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui, in huius venerandi festivitate mysterii,

invisibilis in suis, visibilis in nostris apparuit,

et ante tempora genitus esse cœpit in tempore;

ut, in se erigens cuncta deiecta,

in integrum perditum ad cælestia regna revocaret.

Unde et nos, cum omnibus Angelis te laudamus,

iucunda celebratione clamantes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

Quando adhibetur Canon Romanus, dicitur
Communicantes proprium, ut infra.

In Missa quæ celebratur in Vigilia
et in nocte Missa Nativitatis Domini dicitur:
et noctem sacratissimam celebrantes, qua, etc.;
deinde semper dicitur:
et diem sacratissimum celebrantes, quo, etc.,
usque ad octavam Nativitatis Domini inclusive.

PRÆFATIO
III DE NATIVITATE DOMINI

De commercio in Incarnatione Verbi

37.
Sequens præfatio dicitur in Missis de Nativitate Domini
et de eiusdem octava, infra octavam Nativitatis Domini,
etiam in Missis, quæ secus præfationem propriam haberent,
exceptis Missis quæ præfationem propriam de divinis mysteriis
vel Personis habent, et in feriis temporis Nativitatis.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Per quem hodie commercium nostræ reparationis
effulsit,

quia, dum nostra fragilitas a tuo Verbo suscipitur,

humana mortalitas non solum

in perpetuum transit honorem,

sed nos quoque, mirando consortio, reddit æternos.

Et ideo, choris angelicis sociati,

te laudamus in gaudio confitentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

Quando adhibetur Canon Romanus, dicitur
Communicantes proprium, ut infra.

In Missa quæ celebratur in Vigilia
et in nocte Missa Nativitatis Domini dicitur:
et noctem sacratissimam celebrantes, qua, etc.;
deinde semper dicitur:
et diem sacratissimum celebrantes, quo, etc.,
usque ad octavam Nativitatis Domini inclusive.

PRÆFATIO
DE EPIPHANIA DOMINI

De Christo lumine gentium

38.
Sequens præfatio dicitur:
in Missis de sollemnitate Epiphaniæ et
de festo Baptismi D. N. Iesu Christi;
diebus post Epiphaniam usque ad sabbatum,
quod præcedit festum Baptismi Domini.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia ipsum in Christo salutis nostræ mysterium

hodie ad lumen gentium revelasti,

et, in substantia nostræ mortalitatis apparuit,

nova nos immortalitatis suæ luce reparasti.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

In sollemnitate Epiphaniæ,
quando adhibetur Canon Romanus, dicitur
Communicantes proprium, ut infra.

PRÆFATIO
I DE QUADRAGESIMA

De spiritali significatione Quadragesimæ

39.
Sequens præfatio dicitur tempore Quadragesimæ,
præsertim vero in dominicis;
quando non est dicenda alia præfatio magis propria.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Quia fidelibus tuis dignanter concedis

quotannis paschalia sacramenta

in gaudio purificatis mentibus exspectare:

ut, pietatis officia et opera caritatis propensius exsequentes,

frequentatione mysteriorum, quibus renati sunt,

ad gratiæ filiorum plenitudinem perducantur.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
II DE QUADRAGESIMA

De spiritali pænitentia

40.
Sequens præfatio dicitur tempore Quadragesimæ,
præsertim vero in dominicis;
quando non est dicenda alia præfatio magis propria.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui filiis tuis ad reparandam mentium puritatem,

tempus præcipuum salubriter statuisti,

quo, mente ab inordinatis affectibus expedita,

sic incumberent transituris,

ut rebus potius perpetuis inhærerent.

Et ideo, cum Sanctis et Angelis universis,

te collaudamus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
III DE QUADRAGESIMA

De fructibus abstinentiæ

41.
Sequens præfatio dicitur
in Missis de feriis Quadragesimæ et in diebus ieiunii.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui nos per abstinentiam
tibi gratias referre voluisti,

ut ipsa et nos peccatores ab insolentia mitigaret,

et, egentium proficiens alimento,

imitatores tuæ benignitatis efficeret.

Et ideo, cum innumeris Angelis,

una te magnificamus laudis voce dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
IV DE QUADRAGESIMA

De fructibus eiunii

42.
Sequens præfatio dicitur
in Missis de feriis Quadragesimæ et in diebus ieiunii.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui corporali ieiunio vitia comprimis,
mentem elevas,

virtutem largiris et pr?mia:

per Christum Dominum nostrum.

Per quem maiestatem tuam laudant Angeli,

adorant Dominationes, tremunt Potestates.

Cæli cælorumque Virtutes, ac beata Seraphim,

socia exsulatione concelebrant.

Cum quibus et nostras voces ut admitti iubeas,
deprecamur,

supplici confessione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
I DE PASSIONE DOMINI

De virtute Crucis

43.
Sequens præfatio dicitur
infra hebdomadam quintam Quadragesimæ,
et in Missis de mysteriis Crucis et Passionis Domini.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia per Filii tui salutiferam passionem

sensum confitende tuæ maiestatis totus mundus accepit,

dum ineffabili crucis potentia

iudicium mundi et potestas emicat Crucifixi.

Unde et nos Domine,
cum Sanctis et Angelis universis,

tibi confitemur, in exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
II DE PASSIONE DOMINI

De victoria Passionis

44.
Sequens præfatio dicitur
in feriis II, III et IV Hebdomadæ sanctæ.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Cuius salutiferæ passionis
et gloriosæ resurrectionis dies

appropinquare noscuntur,

quibus et de antiqui hostis superbia triumphatur,

et nostræ redemptionis recolitur sacramentum.

Per quem maiestatem
tuam adorat exercitus Angelorum,

ante conspectum tuum in æternitate lætantium.

Cum quibus et nostras voces ut admitti iubeas, deprecamur,

socia exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
PASCHALIS I

De mysterio paschali

45.
Sequens præfatio dicitur tempore paschali.

In Missa Vigiliæ paschalis dicitur:
in hac potissimum nocte;
a die Paschæ et per totam octavam: in hac potissimum die;
alias: in hoc potissimum.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare:

Te quidem, Domine, omni tempore confiteri,

sed in hac potissimum nocte
(die)
gloriosius prædicare,

(sed in hoc potissimum
gloriosius prædicare,)

cum Pascha nostrum immolatus est Christus.

Ipse enim verus est Agnus

qui abstulit peccata mundi.

Qui mortem nostram moriendo destruxit,

et vitam resurgendo reparavit.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

Quando adhibetur Canon Romanus, dicuntur
Communicantes
et Hanc igitur propria.

Et dicuntur a Missa Vigiliæ paschalis
usque ad sabbatum in albis inclusive.
In Missa autem Vigilia; paschalis dicitur:
et noctem sacratissimam celebrantes.

PRÆFATIO
PASCHALIS II

De vita nova in Christo

46.
Sequens præfatio dicitur tempore paschali.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare:

Te quidem, Domine, omni tempore confiteri,

sed in hac potissimum nocte (die) gloriosius prædicare,

(sed in hoc potissimum gloriosus prædicare,)

cum Pascha nostrum immolatus est Christus.

Per quem in æternam vitam filii lucis oriuntur,

et regni cælestis atria fidelibus reserantur.

Quia mors nostra est eius morte redempta,

et in eius resurrectione vita omnium resurrexit.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
PASCHALIS III

De Christo vivente
et semper interpellante pro nobis

47.
Sequens præfatio dicitur tempore paschali.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare:

Te quidem, Domine, omni tempore confiteri,

sed in hoc potissimum gloriosius prædicare,

cum Pascha nostrum immolatus est Christus.

Qui se pro nobis offerre non desinit,

nosque apud te perenni advocatione defendit;

qui immolatus iam non moritur,

sed semper vivit occisus.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
PASCHALIS IV

De restauratione universi
per mysterium paschale

48.
Sequens præfatio dicitur tempore paschali.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare:

Te quidem, Domine, omni tempore confiteri,

sed in hoc potissimum gloriosius prædicare,

cum Pascha nostrum immolatus est Christus.

Quia, vetustate destructa,
renovantur universa deiecta,

et vitæ nobis in Christo reparatur integritas.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
PASCHALIS V

De Christo sacerdote et victima

49.
Sequens præfatio dicitur tempore paschali.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare:

Te quidem, Domine, omni tempore confiteri,

sed in hoc potissimum gloriosius prædicare,

cum Pascha nostrum immolatus est Christus.

Qui, oblatione corporis sui,

antiqua sacrificia in crucis veritate perfecit,

et, seipsum tibi pro nostra salute commendans,

idem sacerdos, altare et agnus exhibuit.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
I DE ASCENSIONE DOMINI

De mysterio Ascensionis

50.
Sequens præfatio dicitur:
in die Ascensionis Domini;
in omnibus Missis diebus post Ascensionem
usque ad sabbatum ante Pentecosten,
quæ præfatione propria carent.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia Dominus Iesus, Rex gloriæ,

peccati triumphator et mortis,

mirantibus Angelis, ascendit
(hodie)
summa cælorum,

Mediator Dei et hominum,

Iudex mundi Dominusque virtutum;

non ut a nostra humilitate discederet,

sed ut illic confideremus, sua membra, nos subsequi

quo ipse, caput nostrum principiumque, præcessit.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

In die Ascensionis, quando adhibetur Canon romanus, dicitur Communicantes proprium, ut infra.

PRÆFATIO
II DE ASCENSIONE DOMINI

De mysterio Ascensionis

51.
Sequens præfatio dicitur:
in die Ascensionis Domini;
in omnibus Missis diebus post Ascensionem
usque ad sabbatum ante Pentecosten,
quæ præfatione propria carent.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui post resurrectionem suam

omnibus discipulis suis manifestus apparuit,

et ipsis cernentibus est elevatus in cælum,

ut nos divinitatis suæ tribueret esse participes.

Quapropter, profusis paschalibus gaudiis,

totus in orbe terrarum mundus exsultat.

Sed et supernæ virtutes atque angelicæ potestates

hymnum gloriæ tuæ concinunt, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

In die Ascensionis,
quando adhibetur Canon romanus,
dicitur Communicantes proprium, ut infra.

PRÆFATIO
I DE DOMINICIS “PER ANNUM”

De mysterio paschali et de populo Dei

52.
Sequens præfatio dicitur
in dominicis “per annum”

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Cuius hoc mirificum fuit opus
per paschale mysterium,

ut de peccato et mortis iugo ad hanc gloriam vocaremur,

qua nunc genus electum, regale sacerdotium,

gens sancta et acquisitionis populus diceremur,

et tuas annuntiaremus ubique virtutes,

qui nos de tenebris ad tuum admirabile lumen vocasti.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
II DE DOMINICIS “PER ANNUM”

De mysterio salutis

53.
Sequens præfatio dicitur
in dominicis “per annum”

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui, humanis miseratus erroribus,

de Virgine nasci dignatus est.

Qui, crucem passus, a morte perpetua morte nos liberavit,

et, a mortuis resurgens, vitam nobis donavit æternam.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
III DE DOMINICIS “PER ANNUM”

De salvatione hominis per hominem

54.
Sequens præfatio dicitur
in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Ad cuius immensam gloriam pertinere cognoscimus

ut mortalibus tua deitate succurreres;

sed et nobis provideres de ipsa

mortalitate nostra remedium,

et perditos quosque unde perierant, inde salvares,

per Christum Dominum nostrum.

Per quem maiestatem tuam adorat exercitus Angelorum,

ante conspectum tuum in æternitate lætantium.

Cum quibus et nostras voces

ut admitti iubeas, deprecamur,

socia exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO IV DE DOMINICIS “PER ANNUM”

De historia salutis

55.
Sequens præfatio dicitur in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Ipse enim nascendo vetustatem hominum renovavit,

patiendo delevit nostra peccata,

æternæ vitæ aditum pr?stitit a mortuis resurgendo,

ad te Patrem ascendendo cælestes ianuas reseravit.

Et ideo, cum Angelorum atque Sanctorum turba,

hymnum laudis tibi canimus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO V DE DOMINICIS “PER ANNUM”

De creatione

56.
Sequens præfatio dicitur in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui omnia mundi elementa fecisti,

et vices disposuisti temporum variari;

hominem vero formasti ad imaginem tuam,

et rerum ei subiecisti universa miracula,

ut vicario munere dominaretur omnibus quæ creasti,

et in operum tuorum magnalibus iugiter te laudaret,

per Christum Dominum nostrum.

Unde et nos, cum omnibus Angelis te laudamus,

iucunda celebratione clamantes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO VI DE DOMINICIS “PER ANNUM”

De pignore æterni Paschatis

57.
Sequens præfatio dicitur in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

In quo vivimus, movemur et sumus,

atque in hoc corpore constituti

non solum pietatis tuæ cotidianos experimur effectus,

sed æternitatis etiam pignora iam tenemus.

Primitias enim Spiritus habentes,

per quem suscitasti Iesum a mortuis,

paschale mysterium speramus nobis esse perpetuum.

Unde et nos, cum omnibus Angelis te laudamus,

iucunda celebratione clamantes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO VII DE DOMINICIS “PER ANNUM”

De salute per obœdientiam Christi

58.
Sequens præfatio dicitur in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia sic mundum misericorditer dilexisti,

ut ipsum nobis mitteres Redemptorem,

quem absque peccato

in nostra voluisti similitudine conversari,

ut amares in nobis quod diligebas in Filio,

cuius obœdientia sumus ad tua dona reparati,

quæ per inobœdientiam amiseramus peccando.

Unde et nos Domine, cum Sanctis et Angelis universis,

tibi confitemur, in exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO VIII DE DOMINICIS “PER ANNUM”

De Ecclesia adunata ex unitate Trinitatis

59.
Sequens præfatio dicitur in dominicis “per annum”

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia filios, quos longe peccati crimen abstulerat,

per sanguinem Filii tui Spiritusque virtute,

in unum ad te denuo congregare voluisti:

ut plebs, de unitate Trinitatis adunata,

in tuæ laudem sapientiæ multiformis

Christi corpus templumque Spiritus nosceretur Ecclesia.

Et ideo, choris angelicis sociati,

te laudamus in gaudio confitentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I DE SS.MA EUCHARISTIA

De sacrificio et de sacramento Christi

60.
Sequens præfatio dicitur in Missa ≪ In Cena Domini ≫ et in sollemnitate Ss mæ Eucharistiæ, necnon in omnibus Missis votivis de Ss.mo Eucharistiæ Sacramento.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui, verus æternusque Sacerdos,

formam sacrificii perennis instituens,

hostiam tibi se primus obtulit salutarem,

et nos, in sui memoriam, præcepit offerre.

Cuius carnem pro nobis immolatam

dum sumimus, roboramur,

et fusum pro nobis sanguinem dum potamus, abluimur.

Et ideo cum Angelis et Archangelis,

cum Thronis et Dominationibus,

cumque omni militia cælestis exercitus,

hymnum gloriæ tuæ canimus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

Quando adhibetur Canon Romanus, in Missa ≪ In Cena Domini ≫ dicuntur Communicantes, Hanc igitur et Qui pridie propria.

PRÆFATIO II DE SS.MA EUCHARISTIA

De fructibus Sanctissimæ Eucharistiæ

61.
Sequens præfatio dicitur in sollemnitate Ss mi Corporis et Sanguinis Christi et in Missis votivis de Ss.ma Eucharistia.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui cum Apostolis suis in novissima Cena convescens,

salutiferam crucis memoriam prosecuturus in s?cula,

Agnum sine macula se tibi obtulit,

perfectæ laudis munus acceptum.

Quo venerabili mysterio fideles tuos alendo sanctificas,

ut humanum genus, quod continet unus orbis,

una fides illuminet, caritas una coniungat.

Ad mensam igitur accedimus tam mirabilis sacramenti,

ut, gratiæ tuæ suavitate perfusi,

ad cælestis formæ imaginem transeamus.

Propter quod cælestia tibi atque terrestria

canticum novum concinunt adorando,

et nos cum omni exercitu Angelorum proclamamus,

sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I DE BEATA MARIA VIRGINE

De maternitate beatæ Mariæ Virginis

62.
Sequens præfatio dicitur in Missis de beata Maria Virgine, addita suo loco mentione celebrationis diei, prout in singulis Missis indicatur.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Et te in … beatæ Mariæ semper Virginis collaudare, benedicere et prædicare.


Quæ et Unigenitum tuum Sancti Spiritus obumbratione concepit,


et, virginitatis gloria permanente,

lumen æternum mundo effudit,

Iesum Christum Dominum nostrum.

Per quem maiestatem tuam laudant Angeli,

adorant Dominationes, tremunt Potestates.

Cæli cælorumque Virtutes, ac beata Seraphim,

socia exsultatione concelebrant.

Cum quibus et nostras voces

ut admitti iubeas, deprecamur,

supplici confessione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO II DE BEATA MARIA VIRGINE

Ecclesia, verbis Mariæ, laudes Deo persolvit.

63.
Sequens præfatio dicitur in Missis de beata Maria Virgine.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

in omnium Sanctorum provectu te mirabilem confiteri,

et potissimum, beatæ Virginis Mariæ memoriam recolentes,

clementiam tuam ipsius grato magnificare præconio.

Vere namque in omnes terræ fines magna fecisti,

ac tuam in s?cula prorogasti misericordiæ largitatem,

cum, ancillæ tuæ humilitatem aspiciens,

per eam dedisti humanæ salutis auctorem,

Filium tuum, Iesum Christum, Dominum nostrum.

Per quem maiestatem tuam adorat exercitus Angelorum,

ante conspectum tuum in æternitate lætantium.

Cum quibus et nostras voces ut admitti iubeas, deprecamur,

socia exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I DE APOSTOLIS

De Apostolis pastoribus populi Dei

64.
Sequens præfatio dicitur in Missis Apostolorum, præsertim sanctorum Petri et Pauli.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui gregem tuum, Pastor æterne, non deseris,


sed per beatos Apostolos continua protectione custodis,


ut iisdem rectoribus gubernetur,


quos Filii tui vicarios eidem contulisti præesse pastores.

Et ideo cum Angelis et Archangelis,


cum Thronis et Dominationibus,


cumque omni militia cælestis exercitus,

hymnum gloriæ tuæ canimus,


sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO II DE APOSTOLIS

De apostolico fundamento et testimonio

65.
Sequens præfatio dicitur in Missis Apostolorum et Evangelistarum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Quoniam Ecclesiam tuam

in apostolicis tribuisti consistere fundamentis,

ut signum sanctitatis tuæ in terris maneret ipsa perpetuum,

et cælestia præberet cunctis hominibus documenta.

Quapropter nunc et usque in s?culum

cum omni militia Angelorum

devota tibi mente concinimus,

clamantes atque dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I DE SANCTIS

De gloria Sanctorum

66.
Sequens præfatio dicitur in Missis ”de omnibus Sanctis”, de Sanctis Patronis et Titularibus ecclesiæ, et in sollemnitatibus et festis Sanctorum, nisi præfatio magis propria sit dicenda. Dici potest in memoriis Sanctorum

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui in Sanctorum concilio celebraris,

et eorum coronando merita tua dona coronas.

Qui nobis eorum conversatione largiris exemplum,

et communione consortium, et intercessione subsidium;

ut, tantis testibus confirmati,

ad propositum certamen curramus invicti

et immarcescibilem cum eis coronam gloriæ consequamur,

per Christum Dominum nostrum.

Et ideo cum Angelis et Archangelis,


cumque multiplici congregatione Sanctorum,

hymnum laudis tibi canimus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO II DE SANCTIS

De actione Sanctorum

67.
Sequens præfatio dicitur in Missis ”de omnibus Sanctis”, de Sanctis Patronis et Titularibus ecclesiæ, et in sollemnitatibus et festis Sanctorum, nisi præfatio magis propria sit dicenda. Dici potest in memoriis Sanctorum

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Tu enim Sanctorum tuorum confessione mirabili

Ecclesiam tuam nova semper virtute fecundas,

nobisque certissima præbes tuæ dilectionis indicia.

Sed etiam, ad mysteria salutis implenda,

et ipsorum insigni incitamur exemplo

et pia intercessione perpetuo commendamur.

Unde et nos, Domine, cum Angelis et Sanctis universis

tibi confitemur, in exsultatione dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO I DE SANCTIS MARTYRIBUS

De signo et exemplo martyrii

68.
Sequens præfatio dicitur in sollemnitatibus et festis Ss. Martyrum. Dici potest in memoriis ipsorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quoniam beati martyris
pro confessione nominis tui,

ad imitationem Christi,

sanguis effusus tua mirabilia manifestat,

quibus perficis in fragilitate virtutem,

et vires infirmas ad testimonium roboras,

per Christum Dominum nostrum.

Et ideo, cum cælorum Virtutibus,

in terris te iugiter celebramus,

maiestati tuæ sine fine clamantes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO II DE SANCTIS MARTYRIBUS

De mirabilibus Dei in martyrum victoria

69.
Sequens præfatio dicitur in sollemnitatibus et festis Ss. Martyrum. Dici potest in memoriis ipsorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quoniam tu magnificaris in tuorum laude Sanctorum,

et quidquid ad eorum pertinet passionem,

tuæ sunt opera miranda potentiæ:

qui huius fidei tribuis clementer ardorem,

qui suggeris perseverantiæ firmitatem,

qui largiris in agone victoriam,

per Christum Dominum nostrum.

Propter quod cælestia tibi atque terrestria

canticum novum concinunt adorando,

et nos cum omni exercitu Angelorum

proclamamus, sine fine dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO DE SANCTIS PASTORIBUS

De præsentia sanctorum Pastorum in Ecclesia

70.
Sequens præfatio dicitur in sollemnitatibus et festis Ss. Pastorum. Dici potest in memoriis ipsorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Quia sic tribuis Ecclesiam tuam sancti
festivitate gaudere,

ut eam exemplo piæ conversationis corrobores,

verbo prædicationis erudias,

grataque tibi supplicatione tuearis.

Et ideo, cum Angelorum atque Sanctorum turba,


hymnum laudis tibi canimus, sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO DE SANCTIS VIRGINIBUS ET RELIGIOSIS

De signo vitæ Deo consecratæ

71.
Sequens præfatio dicitur in sollemnitatibus et festis Sanctarum Virginum et Sanctorum Religiosorum. Dici potest in memoriis ipsorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

In Sanctis enim, qui Christo se dedicaverunt

propter regnum cælorum,

tuam decet providentiam celebrare mirabilem,

qua humanam substantiam

et ad primæ originis revocas sanctitatem,

et perducis ad experienda dona,

quæ in novo s?culo sunt habenda.

Et ideo, cum Sanctis et Angelis universis,

te collaudamus, sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO COMMUNIS I

De universali restauratione in Christo

72.
Sequens præfatio dicitur in Missis, quæ præfatione propria carent, nec sumere debent præfationem de tempore.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

In quo omnia instaurare tibi complacuit,


et de plenitudine eius nos omnes accipere tribuisti.


Cum enim in forma Dei esset, exinanivit semetipsum,


ac per sanguinem crucis suæ pacificavit universa;


unde exaltatus est super omnia


et omnibus obtemperantibus sibi


factus est causa salutis æternæ.

Et ideo cum Angelis et Archangelis,


cum Thronis et Dominationibus,


cumque omni militia cælestis exercitus,

hymnum gloriæ tuæ canimus,

sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO COMMUNIS II

De salute per Christum

73.
Sequens præfatio dicitur in Missis, quæ præfatione propria carent, nec sumere debent præfationem de tempore.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui bonitate hominem condidisti,

ac iustitia damnatum misericordia redemisti:

per Christum Dominum nostrum.

Per quem maiestatem tuam laudant Angeli,

adorant Dominationes, tremunt Potestates.

Cæli cælorumque Virtutes, ac beata Seraphim,

socia exsultatione concelebrant.

Cum quibus et nostras voces

ut admitti iubeas, deprecamur,

supplici confessione dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO COMMUNIS III

Laudes Deo pro creatione et reformatione hominis

74.
Sequens præfatio dicitur in Missis, quæ præfatione propria carent, nec sumere debent præfationem de tempore.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Qui per Filium dilectionis tuæ,

sicut conditor generis es humani,

ita benignissimus reformator.

Unde merito tibi cunctæ serviunt creaturæ,

te redempti rite collaudant universi,

et uno Sancti tui te corde benedicunt.

Quapropter et nos cum omnibus te Angelis celebramus,

iucunda semper confessione dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO COMMUNIS IV

De laude, dono Dei

75.
Sequens præfatio dicitur in Missis, quæ præfatione propria carent, nec sumere debent præfationem de tempore.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia, cum nostra laude non egeas,

tuum tamen est donum quod tibi grates rependamus,

nam te augent nostra præconia,

sed nobis proficiunt ad salutem,

per Christum Dominum nostrum.

Et ideo, choris angelicis sociati,

te laudamus in gaudio confitentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO COMMUNIS V

Proclamatio mysterii Christi

76.
Sequens præfatio dicitur in Missis, quæ præfatione propria carent, nec sumere debent præfationem de tempore.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Cuius mortem in caritate celebramus,

resurrectionem fide vivida confitemur,

adventum in gloria spe firmissima præstolamur.

Et ideo, cum Sanctis et Angelis universis,

te collaudamus, sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO
COMMUNIS VI

De mysterio salutis in Christo

77.
Sequens præfatio dicitur in Missis,
quæ præfatione propria carent,
nec sumere debent præfationem de tempore.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere

per Filium dilectionis tuæ Iesum Christum,

Verbum tuum per quod cuncta fecisti:

quem misisti nobis Salvatorem et Redemptorem,

incarnatum de Spiritu Sancto et ex Virgine natum.

Qui voluntatem tuam adimplens

et populum tibi sanctum acquirens

extendit manus cum pateretur,

ut mortem solveret et resurrectionem manifestaret.

Et ideo cum Angelis et omnibus Sanctis

gloriam tuam prædicamus, una voce dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

PRÆFATIO
I DE DEFUNCTIS

De spe resurrectionis in Christo

78.
Sequens præfatio dicitur in omnibus Missis defunctorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

In quo nobis spes beatæ resurrectionis effulsit,


ut, quos contristat certa moriendi condicio,


eosdem consoletur futuræ immortalitatis promissio.


Tuis enim fidelibus, Domine, vita mutatur, non tollitur,


et, dissoluta terrestris huius incolatus domo,


æterna in cælis habitatio comparatur.

Et ideo cum Angelis et Archangelis,


cum Thronis et Dominationibus,


cumque omni militia cælestis exercitus,

hymnum gloriæ tuæ canimus,


sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO
II DE DEFUNCTIS

Christus mortuus est pro vita nostra

79.
Sequens præfatio dicitur in omnibus Missis defunctorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Ipse enim mortem unus accepit,

ne omnes nos moreremur;

immo unus mori dignatus est,

ut omnes tibi perpetuo viveremus.

Et ideo, choris angelicis sociati,

te laudamus in gaudio confitentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO III DE DEFUNCTIS

Christus, salus et vita

80.
Sequens præfatio dicitur in omnibus Missis defunctorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

per Christum Dominum nostrum.

Qui est salus mundi, vita hominum, resurrectio mortuorum.

Per quem maiestatem tuam adorat exercitus Angelorum,

ante conspectum tuum in æternitate lætantium.

Cum quibus et nostras voces ut admitti iubeas, deprecamur,

socia exsultatione dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO
IV DE DEFUNCTIS

De vita terrena ad gloriam cælestem

81.
Sequens præfatio dicitur in omnibus Missis defunctorum.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Cuius imperio nascimur, cuius arbitrio regimur,

cuius præcepto in terra, de qua sumpti sumus,

peccati lege absolvimur.

Et, qui per mortem Filii tui redempti sumus,

ad ipsius resurrectionis gloriam

tuo nutu excitamur.

Et ideo, cum Angelorum atque Sanctorum turba,


hymnum laudis tibi canimus, sine fine dicentes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

PRÆFATIO V DE DEFUNCTIS

De resurrectione nostra per victoriam Christi

82.
Sequens præfatio dicitur in omnibus Missis defunctorum.

V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Vere dignum et iustum est, æquum et salutare,

nos tibi semper et ubique gratias agere:

Domine, sancte Pater, omnipotens æterne Deus:

Quia, etsi nostri est meriti quode perimus,

tuæ tamen est pietatis et gratiæ

quod, pro peccato morte consumpti,

per Christi victoriam redempti,

cum ipso revocamur ad vitam.

Et ideo, cum cælorum Virtutibus,

in terris te iugiter celebramus,

maiestati tuæ sine fine clamantes:

Sanctus, Sanctus, Sanctus Dominus Deus Sabaoth.


Pleni sunt cæli et terra gloria tua.


Hosanna in excelsis.


Benedictus qui venit in nomine Domini.


Hosanna in excelsis.

Prex eucharistica I

Prex eucharistica II

Prex eucharistica III

Prex eucharistica IV

Prex eucharistica I

seu Canon Romanus

83.
V. Dominus vobiscum.

R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Sequitur Præfatio
iuxta rubricas proferenda, quæ concluditur:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

84.
Sacerdos, manibus extensis, dicit:

Te igitur, clementissime Pater,

per Iesum Christum, Filium tuum, Dominum nostrum,

supplices rogamus ac petimus,

iungit manus et dixit:

uti accepta habeas

signat semel super panem et calicem simul,
dicens:

et benedicas
+ hæc dona, hæc munera,

hæc sancta sacrificia illibata,

extensis manibus prosequitur:

in primis, quæ tibi offerimus

pro Ecclesia tua sancta catholica:

quam pacificare, custodire, adunare

et regere digneris toto orbe terrarum:

una cum famulo tuo
Papa nostro N.

et Antistite nostro N.
*

et omnibus orthodoxis atque catholicæ et apostolicæ fidei
cultoribus.

*Hic fieri potest mentio
de Episcopis Coadiutore vel Auxiliaribus,
vel de alio Episcopo, ut in
Institutione generali Missalis Romani, n. 149,
notatur.

85.
Commemoratio pro vivis.

Memento, Domine, famulorum famularumque tuarum
N. et N.

Iungit manus et orat aliquantulum
pro quibus orare intendit.

Deinde, manus extensis, prosequitur:

et omnium circumstantium,

quorum tibi fides cognita est et nota devotio,

pro quibus tibi offerimus:

vel qui tibi offerunt hoc sacrificium laudis,

pro se suisque omnibus:

pro redemptione animarum suarum,

pro spe salutis et incolumitatis suæ:

tibique reddunt vota sua

æterno Deo, vivo et vero.

86.
Infra Actionem

Communicantes,

et memoriam venerantes,

in primis gloriosæ semper Virginis Mariæ,

Genetricis Dei et Domini nostri Iesu Christi:

† sed et beati Ioseph, eiusdem Virginis Sponsi,

et beatorum Apostolorum ac Martyrum tuorum,

Petri et Pauli, Andreæ,

(Iacobi, Ioannis,

Thomæ, Iacobi, Philippi,

Bartholom?i, Matth?i,

Simonis et Thadd?i:

Lini, Cleti, Clementis, Xysti,

Cornelii, Cypriani,

Laurentii, Chrysogoni,

Ioannis et Pauli,

Cosmæ et Damiani)

et omnium Sanctorum tuorum;

quorum meritis precibusque concedas,

ut in omnibus protectionis tuæ muniamur auxilio.

(Per Christum Dominum nostrum.
Amen.)

Communicantes propria

In Nativitate Domini et per octavam

Communicantes,

et (noctem sacratissimam)
diem sacratissimum celebrantes,

(qua)
quo beatæ Mariæ intemerata virginitas

huic mundo edidit Salvatorem:

sed et memoriam venerantes,

in primis eiusdem gloriosæ semper Virginis Mariæ,

Genetricis eiusdem Dei et Domini nostri Iesu Christi:
†

In Epiphania Domini

Communicantes,

et diem sacratissimum celebrantes,

quo Unigenitus tuus, in tua tecum gloria coæternus,

in veritate carnis nostræ visibiliter corporalis apparuit:

sed et memoriam venerantes,

in primis eiusdem gloriosæ semper Virginis Mariæ,

Genetricis eiusdem Dei et Domini nostri Iesu Christi:
†

A Missa Vigiliæ paschalis
usque ad dominicam II Paschæ

Communicantes,

et (noctem sacratissimam) diem sacratissimum celebrantes,

Resurrectionis Domini nostri Iesu Christi secundum carnem:

sed et memoriam venerantes,

in primis eiusdem gloriosæ semper Virginis Mariæ,

Genetricis eiusdem Dei et Domini nostri Iesu Christi:
†

In Ascensione Domini

Communicantes,

et diem sacratissimum celebrantes,

quo Dominus noster, unigenitus Filius tuus,

unitam sibi fragilitatis nostræ substantiam

in gloriæ tuæ dextera collocavit:

sed et memoriam venerantes,

in primis eiusdem gloriosæ semper Virginis Mariæ,

Genetricis eiusdem Dei et Domini nostri Iesu Christi:
†

In dominica Pentecostes

Communicantes,

et diem sacratissimum Pentecostes celebrantes,

quo Spiritus Sanctus

Apostolis in igneis linguis apparuit:

sed et memoriam venerantes,

in primis eiusdem gloriosæ semper Virginis Mariæ,

Genetricis eiusdem Dei et Domini nostri Iesu Christi:
†

87.
Manibus extensis, prosequitur:

Hanc igitur oblationem servitutis nostræ,

sed et cunctæ familiæ tuæ,

qu?sumus, Domine, ut placatus accipias:

diesque nostros in tua pace disponas,

atque ab æterna damnatione nos eripi

et in electorum tuorum iubeas grege numerari.

Iungit manus

(Per Christum Dominum nostrum.
Amen.)

A Missa Vigiliæ paschalis
usque ad dominicam II Paschæ

Hanc igitur oblationem servitutis nostræ,

sed et cunctæ familiæ tuæ,

quam tibi offerimus

pro his quoque, quos regenerare dignatus es ex aqua et Spiritu Sancto,

tribuens eis remissionem omnium peccatorum,

qu?sumus, Domine, ut placatus accipias:

diesque nostros in tua pace disponas,

atque ab æterna damnatione nos eripi

et in electorum tuorum iubeas grege numerari.

Iungit manus

(Per Christum Dominum nostrum.
Amen.)

88.
Tenens manus extensas super oblata, dicit:

Quam oblationem tu, Deus, in omnibus, qu?sumus,

benedictam, adscriptam, ratam,

rationabilem, acceptabilemque facere digneris:

ut nobis Corpus et Sanguis fiat dilectissimi Filii tui,

Domini nostri Iesu Christi.

Iungit manus.

89.
In formulis quæ sequuntur,
verba Domini proferantur distincte et aperte,
prouti natura eorundem verborum requirit.

Qui, pridie quam pateretur,

accepit panem,

eumque parum elevatum super altare tenens,

prosequitur:

accepit panem
in sanctas ac venerabiles manus suas,

elevat oculos,

et elevatis oculis in cælum

ad te Deum Patrem suum omnipotentem,

tibi gratias agens benedixit,

fregit,

deditque discipulis suis, dicens:

parum se inclinat

Accipite et manducate ex hoc omnes:

hoc est enim Corpus meum,

quod pro vobis tradetur.

Hostiam consecratam ostendit populo,
reponit super patenam, et genuflexus adorat.

90.
Postea prosequitur:

Simili modo, postquam cenatum est,

accipit calicem,

eumque parum elevatum super altare tenens,
prosequitur:

accipiens et hunc præclarum calicem

in sanctas ac venerabiles manus suas,

item tibi gratias agens benedixit,

deditque discipulis suis, dicens:

parum se inclinat

Accipite et bibite ex eo omnes:

hic est enim calix Sanguinis mei

novi et æterni testamenti,

qui pro vobis et pro multis effundetur

in remissionem peccatorum.

Hoc facite in meam commemorationem.

Calicem ostendit populo, deponit super patenam,
et genuflexus adorat.

91.
Deinde dicit:

Mysterium fidei.

Et populus prosequitur, acclamans:

Mortem tuam annuntiamus, Domine,

et tuam resurrectionem confitemur, donec venias.

Vel:

Quotiescumque manducamus panem hunc

et calicem bibimus,

mortem tuam annuntiamus, Domine, donec venias.

Vel:

Salvator mundi, salva nos,

Qui per crucem et resurrectionem tuam liberasti nos.

92.
Deinde sacerdos, extensis manibus, dicit:

Unde et memores, Domine,

nos servi tui,

sed et plebs tua sancta,

eiusdem Christi, Filii tui, Domini nostri,

tam beatæ passionis,

necnon et ab inferis resurrectionis,

sed et in cælos gloriosæ ascensionis:

offerimus præclaræ maiestati tuæ

de tuis donis ac datis

hostiam puram,

hostiam sanctam,

hostiam immaculatam,

Panem sanctum vitæ æternæ

et Calicem salutis perpetuæ.

93.
Supra quæ propitio ac sereno vultu

respicere digneris:

et accepta habere,

sicuti accepta habere dignatus es

munera pueri tui iusti Abel,

et sacrificium Patriarchæ nostri Abrahæ,

et quod tibi obtulit summus sacerdos tuus Melchisedech,

sanctum sacrificium, immaculatam hostiam.

94.
Inclinatus, iunctis manibus, prosequitur:

Supplices te rogamus, omnipotens Deus:

iube hæc perferri per manus sancti Angeli tui

in sublime altare tuum,

in conspectu divinæ maiestatis tuæ;

ut, quotquot ex hac altaris participatione

sacrosanctum Filii tui Corpus et Sanguinem sumpserimus,

erigit se atque seipsum signat, dicens:

omni benedictione cælesti et gratia repleamur.

Iungit manus.

(Per Christum Dominum nostrum.
Amen.)

95.
Commemoratio pro defunctis.

Manibus extensis, dicit:

Memento etiam, Domine, famulorum famularumque tuarum
N. et N.,

qui nos præcesserunt cum signo fidei,

et dormiunt in somno pacis.

Iungit manus et orat aliquantulum pro iis defunctis,
pro quibus orare intendit.

Deinde, extensis manibus, prosequitur:

Ipsis, Domine, et omnibus in Christo quiescentibus,

locum refrigerii, lucis et pacis,

ut indulgeas, deprecamur.

Iungit manus.

(Per Christum Dominum nostrum.
Amen.)

96.
Manu dextera percutit sibi pectus, dicens:

Nobis quoque peccatoribus famulis tuis,

et extensis manibus prosequitur:

de multitudine miserationum tuarum sperantibus,

partem aliquam et societatem donare digneris

cum tuis sanctis Apostolis et Martyribus:

cum Ioanne, Stephano,

Matthia, Barnaba,

(Ignatio, Alexandro,

Marcellino, Petro,

Felicitate, Perpetua,

Agatha, Lucia,

Agnete, Cæcilia, Anastasia)

et omnibus Sanctis tuis:

intra quorum nos consortium,

non æstimator meriti, sed veniæ,

qu?sumus, largitor admitte.

Iungit manus

Per Christum Dominum nostrum.

97.
Et prosequitur:

Per quem hæc omnia, Domine,

semper bona creas, sanctificas, vivificas, benedicis,

et præstas nobis.

98.
Accipit patenam cum hostia et calicem,
et utrumque elevans, dicit:

Per ipsum, et cum ipso, et in ipso,

est tibi Deo Patri omnipotenti,

in unitate Spiritus Sancti,

omnis honor et gloria

per omnia s?cula sæculorum.

Populus acclamat:

Amen.

Deinde sequitur
ritus communionis.

Prex eucharistica II

99.
Quamvis præfatione propria instructa sit,
Prex eucharistica hæc adhiberi potest etiam cum
aliis præfationibus,
cum iis præsertim quæ mysterium salutis compendiose repræsentant,
v. gr. cum præfationibus communibus.

V. Dominus vobiscum.
R. Et cum spiritu tuo.

V. Sursum corda.
R. Habemus ad Dominum.

V. Gratias agamus Domino Deo nostro.
R. Dignum et iustum est.

Vere dignum et iustum est, æquum et salutare,

nos tibi, sancte Pater,

semper et ubique gratias agere,

per Filium dilectionis tuæ Iesum Christum,

Verbum tuum per quod cuncta fecisti:

quem misisti nobis Salvatorem et Redemptorem,

incarnatum de Spiritu Sancto et ex Virgine natum.

Qui voluntatem tuam adimplens

et populum tibi sanctum acquirens

extendit manus cum pateretur,

ut mortem solveret et resurrectionem manifestaret.

Et ideo cum Angelis et omnibus Sanctis

gloriam tuam prædicamus, una voce dicentes:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

100.
Sacerdos, manibus extensis, dicit:

Vere Sanctus es, Domine,

fons omnis sanctitatis.

101.
Iungit manus, easque expansas super oblata tenens,
dicit:

Hæc ergo dona, qu?sumus,

Spiritus tui rore sanctifica,

iungit manus
et signat semel super panem et calicem simul,
dicens:

ut nobis Corpus et + Sanguis fiant

Domini nostri Iesu Christi.

Iungit manus.

102.
In formulis quæ sequuntur,
verba Domini proferantur distincte et aperte,
prouti natura eorundem verborum requirit.

Qui, cum Passioni voluntarie traderetur,

accepit panem,
eumque parum elevatum super altare tenens, prosequitur:

accepit panem et gratias agens fregit,

deditque discipulis suis, dicens:

parum se inclinat

Accipite et manducate ex hoc omnes:

hoc est enim Corpus meum,

quod pro vobis tradetur.

Hostiam consecratam ostendit populo,
reponit super patenam, et genuflexus adorat.

103.
Postea prosequitur:

Simili modo, postquam cenatum est,

accipit calicem,
eumque parum elevatum super altare tenens,
prosequitur:

accipiens et calicem

iterum tibi gratias agens dedit discipulis suis, dicens:

parum se inclinat

Accipite et bibite ex eo omnes:

hic est enim calix Sanguinis mei

novi et æterni testamenti,

qui pro vobis et pro multis effundetur

in remissionem peccatorum.

Hoc facite in meam commemorationem.

Calicem ostendit populo, deponit super patenam,
et genuflexus adorat.

104.
Deinde dicit:

Mysterium fidei.

Et populus prosequitur, acclamans:

Mortem tuam annuntiamus, Domine,

et tuam resurrectionem confitemur, donec venias.

Vel:

Quotiescumque manducamus panem hunc

et calicem bibimus,

mortem tuam annuntiamus, Domine, donec venias.

Vel:

Salvator mundi, salva nos,

Qui per crucem et resurrectionem tuam liberasti nos.

105.
Deinde sacerdos, extensis manibus, dicit:

Memores igitur mortis et resurrectionis eius,

tibi, Domine, panem vitæ

et calicem salutis offerimus,

gratias agentes quia nos dignos habuisti

astare coram te et tibi ministrare.

Et supplices deprecamur

ut Corporis et Sanguinis Christi participes

a Spiritu Sancto congregemur in unum.

Recordare, Domine, Ecclesiæ tuæ toto orbe diffusæ,

ut eam in caritate perficias

una cum
Papa nostro N.
et Episcopo nostro N.
*

et universo clero.

*Hic fieri potest
mentio de Episcopis Coadiutore vel Auxiliaribus, vel de alio Episcopo,
ut in Institutione generali Missalis Romani,
n. 149, notatur.

In Missis pro defunctis addi potest:

Memento famuli tui
(famulæ tuæ)

quem (quam)
(hodie) ad te ex hoc mundo vocasti.

Concede, ut, qui (quæ) complantantus
(complantanta) fuit
similitudini mortis Filii tui,
simul fiat et resurrectionis ipsius.

Memento etiam fratrum nostrorum,

qui in spe resurrectionis dormierunt,

omniumque in tua miseratione defunctorum,

et eos in lumen vultus tui admitte.

Omnium nostrum, qu?sumus, miserere,

ut cum beata Dei Genetrice Virgine Maria,

beato Ioseph, eius sponso,

beatis Apostolis et omnibus Sanctis,

qui tibi a s?culo placuerunt,

æternæ vitæ mereamur esse consortes,

et te laudemus et glorificemus

iungit manus

per Filium tuum Iesum Christum.

106.
Accipit patenam cum hostia et calicem,
et utrumque elevans, dicit:

Per ipsum, et cum ipso, et in ipso,

est tibi Deo Patri omnipotenti,

in unitate Spiritus Sancti,

omnis honor et gloria

per omnia s?cula sæculorum.

Populus acclamat:

Amen.

Deinde sequitur
ritus communionis.

Prex eucharistica III

107.
V. Dominus vobiscum.


R. Et cum spiritu tuo.

V. Sursum corda.

R. Habemus ad Dominum.

V. Gratias agamus Domino Deo nostro.

R. Dignum et iustum est.

Sequitur Præfatio
iuxta rubricas proferenda, quæ concluditur:

Sanctus, Sanctus, Sanctus Dominus Deus Sabaoth.

Pleni sunt cæli et terra gloria tua.

Hosanna in excelsis.

Benedictus qui venit in nomine Domini.

Hosanna in excelsis.

108.
Sacerdos, manus extensis, dicit:

Vere Sanctus es, Domine,

et merito te laudat omnis a te condita creatura,

quia per Filium tuum,

Dominum nostrum Iesum Christum,

Spiritus Sancti operante virtute,

vivificas et sanctificas universa,

et populum tibi congregare non desinis,

ut a solis ortu usque ad occasum

oblatio munda offeratur nomini tuo.